So si leski butyi le sittyarimaska krisake sheruneske?

• Angle zhutil kodole zhenen, kon ande le sittyarimaski justicija sile ( sittyara, sityarde, godyaverara, ashunara) vajso kodolenge grupon, anda o sittyarimasa kethanes kopcsisardo themeske zhenengi justicijako devavelipe. Le sittyarimaska justicijako sheruno ande peska butyako keripe feri le sittyarimaske ministeroske trubul te del vorba pa peski butyi.

Kon shaj vazdel phari vorba?

• ande korkorutnyi butyi sakko, zheno kon ande o sittyarimo silo, shavoro, sityardo, dej-dad, sittyari, ashunari, zhanimasko rodari, godyaverari, vajso kadalenge grupura, te kade gindyin, ke ande lengi krisi variso bida pelaspe, vaj te kade gindyin ke kadaleski dar opre ashel.

Kana shaj boldasame karing leste?

• atunchi te aba kodol droma sa opre phirdam - le mujaleska krisa avri lines - save ande kadi traba angla amende ashen
• te o doshalyipe so pelaspe amenca, vaj so amenca kerde, naj maj dulmutano sar ekh bersh.

Soske trabenca shaj boldasame karing leste?

• te ekh krisi, ekha trabako keripe, vajso kadalengo na keripe, le sittyarimaska krisa azbal, vajso la krisako dosharipe devorta opre ashelpe. Kodol grupura kon ande o sittyarimo andre sile(kade sar: sityardengi autonomija, shkolako skamin, sittyarengi grupa) krisasa kade sar le jekhutne zhene grizhisardyon ande kadi krisi.

Sar shaj boldasame karing leste?

• ande amaro mangipo kidas kethenes skurtos kodi ke so si amara doshako phendipe, thaj shuvas pasha kado lil sogodi mashkar amare lila, so amara trabasa kopchime sile
• shaj mangas amare anavesko biavri phendipes

Sar kerel peski butyi o krisari?

• si te ginavel sakko lil so andel vas lel
• palpale bishavel o lil, vaj e traba, te:
  
• atunchi, te e traba na kodo bishadas andre kas grizha si akring kodo
• te maj palal bishavel andre peski traba sar so tele phirdosas o jek bersh
• te o doshalo na phirdas andre kodol krisake droma, save angla leste tordyon
• te ande e traba mujaleski krisi laspe te kerdyol, vaj te la krisako mujalo aba avri phendas e krisi ande kadi traba
• te ande e traba le sittyarimaska krisako sheruno aba kerdas butyi, ba ande e dosh naj nyeve pecipe
• te e traba na perelpe ande le sittyarimaska krisake sheruneski grizha. Te kadi palunyi traba ashel opre, atunchi le sittyarimaska krisako sheruno sirma del le doshaleske pa kodi ke leski dosh kaj soski kaver oficija shaj boldelpes.

• jekhardyipes kerel te zurales doshalyipes lel sama ande o andre dinyipe.
• le jekhardyipeke rodipesko angluno paso le sittyarimaska krisako sheruneske kodi si, ke rodel kodola oficija, vaj zhenutne manushes anda kodi ke te phenel peski dosh vi voj, kon unzardo si ande e traba
• le mangares thaj la oficija ande lileste opre mangel anda kodi ke penge gindura te pasharen karing jekhavreste, kadalasa e traba te lasharen
• te shi zhanen pengi traba te lahsharen, atunchi andre akharele peste le mangares thaj la oficija mo-mostar te zhutil ande lengi traba
• te e oficija chi atunchi chi lasharel palpale po lasho drom la krisako dosharipe, vaj kadalaki dar chi getosarel andre ande pesko krujo, atunchi le sittyarimaska krisako sheruno lelpe te getosarel kadi butyi.

Kadala butyako lelipe vi pe skurto drom shaj kerel (telefono, faxo, emailo).

• Atunchi te le sittyarimaska krisako sheruno kade gindyil, ke e traba na ingerdas majanlal e butyi, atunchi peski kris bishavel la doshalya oficijake thaj kodolake opral losarde konsiloske.

Andaj oficija dromarel krisi:

O sittyarimaska krisako ministerutno sheruno vi andaj oficija shaj dromarel krisako rodipe, te ekh krisi, vaj ekh trabaki butyi, vaj kadalako na keripe pharo, le themotne zhenenge ekhe majbare grupos
Unzardya krisaki dosh shaj anel angle.